Baghair Us Ke Ab Aaraam Bhi Nahi Aataa, Vo Shakhs Jis Kaa Mujhe Naam Bhi Nahi Aataa

Baghair Us Ke Ab Aaraam Bhi Nahi Aataa
 
Vo Shakhs Jis Kaa Mujhe Naam Bhi Nahi Aataa

Usi Ki Shakl Mujhe Chaand Mein Nazar Aye

Vo Maah-rukh Jo Lab-e-baam Bhi Nahi Aataa
 

Karuu.ngaa Kyaa Jo Mohabbat Mein Ho Gayaa Naakaam

Mujhe To Aur Koi Kaam Bhi Nahi Aataa

Bithaa Diyaa Mujhe Dariyaa Ke Us Kinaare Par

Jidhar Hubaab Tahi-jaam Bhi Nahi Aataa

Churaa Ke Khvaab Vo Aankhon Ko Rahan Rakhtaa Hai

Aur Us Ke Sar Koi Ilzaam Bhi Nahi Aataa